Та өөрийн амьдарч байгаа газар, ажиллаж байгаа орчныхоо аюулгүй байдлыг шалгаж, гамшгаас хамгаалах мэдлэг, мэдээллээ дээшлүүлдэг үү?
Онцгой байдлын байгууллагаас сар бүрийн сүүлийн 7 хоногийн пүрэв гарагийг “Аюулгүй байдлаа шалгах өдөр” болгон зарлаж, гамшгаас хамгаалах мэдлэгийг анхан шатанд эзэмшүүлэх, өөрийн болоод орчны аюулгүй байдлыг үнэлж, эрсдэлийг тооцон, урьдчилан сэргийлэх арга хэмжээг хэрэгжүүлэх http://quiz.belenbai.mn/ сайтыг нээн ажиллуулж байгаа билээ.
“Аюулгүй байдлаа шалгах өдөр” өнөөдөр буюу долоодугаар сарын 31-нд тохиож байгаа тул иргэд, аж, ахуйн нэгж байгууллагыг “E-Mongolia” системээс “Онцлох цэс” булангаас хүлээн авч өөрийн болоод өрх гэр, албан байгууллагынхаа эрсдэлийг тооцож, хариу арга хэмжээг хэрэгжүүлэхийг зөвлөж байна.
