E-Mongolia Academy

Нэгдүгээр ангийн элсэлтийн цахим бүртгэл E-Mongolia системээр хүлээн авч дууслаа

2025-2026 оны хичээлийн жилийн I дүгээр ангийн элсэлтийн цахим бүртгэлийг 2025 оны 8 дугаар сарын 12-ны өдрөөс 26-ны өдөр хүртэл хүлээн авч дууссан байна. Энэ хугацаанд нийт 45,771 хүүхэд цахимаар элсэх хүсэлтээ илгээсэн байна.

Цахим бүртгэлтэй холбоотой дараах мэдээллийг анхаарна уу:

  • Хэрэв хүсэлт нь “Түр түдгэлзүүлсэн” төлөвт байгаа бол эцэг эх, асран хамгаалагчид оршин суугаа хаягийн лавлагаа болон өөрийн болон хүүхдийн бичиг баримтыг бүрдүүлэн харьяа дүүргийнхээ ерөнхий боловсролын сургууль дээр очиж бүртгүүлэх боломжтой.
  • Цахим бүртгэлд амжаагүй эцэг эхчүүд мөн харьяа сургуулийнхаа элсэлтийн комисст хандан хүүхдээ бүртгүүлнэ.
  • Урьдчилсан бүртгэл, баталгаажуулалт, анги бүлгийн хуваарилалтыг тухайн сургуулийн элсэлтийн комисс шат дараатайгаар зохион байгуулна.

Бүртгэлийн мэдээллээ шалгах заавар:

  1. E-Mongolia системд өөрийн бүртгэлээр нэвтэрч орно.
  2. Элсэлтийн бүртгэл цахимаар хүлээн авагдаж дууссан тул үйлчилгээний хайлтаар харагдахгүй. Тиймээс баруун дээд буланд байрлах “Профайл” хэсэгт орно.
  3. “Авсан үйлчилгээнүүд” цэсээс “Төрийн өмчийн ерөнхий боловсролын сургуулийн нэгдүгээр ангийн элсэлтийн бүртгэл” гэсэн мэдээллээ сонгоно.
  4. Энд таны хүсэлтийн дугаар болон шийдвэрлэлт ямар шатанд явж буй хувь харагдана.

Хэрэв шийдвэрлэлт бүрэн болсон бол эцэг эх, асран хамгаалагчид харьяа сургууль дээрээ очиж гэрээгээ байгуулна.

Анхаарал хандуулсанд баярлалаа!

И-МОНГОЛ АКАДЕМИ

Одоогоор сул орон тоо байхгүй байна.