И-Монгол Академи

2024-2025 оны хичээлийн жилд урьдчилсан байдлаар Улаанбаатар хотод цэцэрлэгийн насны 142150 хүүхэд байгаагаас 2 настай 30894 хүүхэд байна. Нийслэлийн цэцэрлэгийн бүртгэлийг  төрийн үйлчилгээний нэгдсэн систем E-Mongolia-аар дамжуулан гурав дах жилдээ хүлээн авч байгаа юм. Энэ жилийн хувьд цэцэрлэгийн бүртгэлийн хүсэлтийг наймдугаар сарын 1-нээс эхлэн E-Mongolia системээр хүлээн авч эхэлнэ. Бүртгэлийг хоёр үе шаттайгаар зохион байгуулах бөгөөд хүсэлтийг зөвхөн цахимаар гаргах боломжтой.  Цэцэрлэгийн насны хүүхдээ бүртгүүлэх хүсэлтийг хоёр үе шаттай хүлээн авна. Нэгдүгээр үе шат 2024 оны наймдугаар сарын 01-ний өдрөөс 18-ний өдрүүдэд үргэлжлэх бөгөөд эхний үе шат дууссаны дараагаас хоёрдугаар үе шат эхлэх юм. Цахимаар бүртгүүлэхдээ: Эцэг эх, асран хамгаалагчдад тавигдах шаардлага: Хэрвээ та E-Mongolia системээр дамжуулан цэцэрлэгийн бүртгэлийн хүсэлт явуулах боломжгүй байгаа тохиолдолд харьяа дүүргийн цэцэрлэг дээр ажиллаж буй ажлын хэсэгт хандаж зөвлөгөө, дэмжлэг авахыг зөвлөж байна.

Энэ оны эхний хагас жилийн байдлаар Монгол Улсын стандартын улсын бүртгэлд 6674 стандартын мэдээлэл байна. Дээрх мэдээллийг Стандарт, хэмжил зүйн зүйн газартай хамтран цахимжууллаа. Мэдээлэл авахын тулд иргэн та E-Mongolia системд өөрийн бүртгэлтэй хаягаараа нэвтрэн орж Стандартын цахим сан үйлчилгээнээс бүх стандартын мэдээллийг харах ба төлбөр төлсний дараа татаж авах боломжтой. Дэлгэрэнгүй мэдээллийг 1800-2525 дугаараас аваарай.

Үндэсний статистикийн хорооны судалгаагаар 2024 оны эхний хагас жилийн байдлаар манай улсын нийт хүн амын 1.3 сая буюу 36.3 хувь нь 0-17 хүртэлх насны хүүхдүүд байна. Хүүхдүүдийн 51.4 хувь нь эрэгтэй, 48.6 хувь нь эмэгтэй байна. Улсын хэмжээнд нийт 21 277 ихэр хүүхэд байгаагаас 2 ихэр 20 852, 3 ихэр 402, 4 ба түүнээс дээш ихэр хүүхэд 23 байна. Засгийн газрын 2012 оны арваннэгдүгээр сарын 24-ний өдрийн 134 дүгээр тогтоолоор дөрөв хүртэлх насны хоёр ихэр хүүхэд тус бүрд нэг удаа нэг сая төгрөг, мөн дөрөв хүртэлх насны гурван ихэр хүүхэд тус бүрд гурван сая төгрөг олгохоор тогтоосон байдаг. Хөдөлмөр, халамжийн үйлчилгээний газартай хамтран ихэр хүүхдийн тэтгэмжийн үйлчилгээг цахимжууллаа. Үүнд: Үйлчилгээг авахын тулд “E-Mongolia” аппликэйшнд өөрийн бүртгэлээрээ нэвтрэн орж хайлтын хэсэгт үйлчилгээний нэрийг оруулан хайлт хийснээр тус үйлчилгээнүүдийг авах юм. Тус үйлчилгээг зөвхөн гар утасны аппликэйшнээс авах боломжтой.

Монгол Улсын Засгийн газрын 2023 оны 06 дугаар сарын 21-ний өдрийн 237 дугаар тогтоолоор байнгын асаргаа шаардлагатай иргэний асарч буй иргэнд сар бүр төрөөс 275000-302500 төгрөгийн хооронд тэтгэмж олгохоор баталсан байдаг. Нийгмийн халамжийн тухай хуулийн 3.1.6-д “байнгын асаргаа шаардлагатай иргэн гэж бусдын туслалцаагүйгээр өдөр тутмын үйлдлээ бие даан гүйцэтгэх чадваргүй, эсхүл оюуны хөгжлийн бэрхшээлтэй, сэтгэцийн хүнд хэлбэрийн эмгэгтэй хүнийг; ” гэж заасан бөгөөд тухайн иргэнийг асарч байгаа иргэнд сар бүр мөнгөн тэтгэмж олгодог. Асаргааны тэтгэмжид байнгын асаргаа шаардлагатай иргэн /ахмад настан, хөгжлийн бэрхшээлтэй иргэн, хүүхэд/-ийг асарч байгаа болон хүнд нөхцөлд байгаа хүүхэд, ганц бие харж хандах хүнгүй ахмад настан, хөгжлийн бэрхшээлтэй иргэнийг гэр бүлдээ авч асрамжилж байгаа 65.9 мянган иргэн байна.  Дээрх байнгын асаргааны тэтгэмжийн үйлчилгээг Хөдөлмөр, халамжийн үйлчилгээний ерөнхий газартай хамтран цахимжууллаа. Үүнд: Үйлчилгээг авахын тулд “E-Mongolia” системд өөрийн бүртгэлтэй хаягаараа нэвтрэн орж хайлтын хэсэгт авах үйлчилгээний нэрийг оруулан хайлт хийснээр тус үйлчилгээнүүдийг авах боломжтой. Нийгмийн халамжийн үйлчилгээ цахимжсанаар иргэд төрөөс үзүүлж буй халамжийн үйлчилгээнүүдийг цаг алдалгүй шуурхай авах, мэдээллийн ил тод байдлыг хангах, төрд байгаа иргэний мэдээллийг тухайн иргэнээс шаардахгүйгээр нийгмийн халамжийн үйлчилгээг хялбараар авах боломжууд  бүрдэж байгаа юм.

2024 оны эхний хагас жилийн байдлаар монгол улсын хэмжээнд нийт 170 мянга гаруй цусны донор бүртгэгдсэн ба нэг хүнээс авсан 350-400 грамм цус 3 хүний амь насыг авардаг байна.  Төрийн үйлчилгээний нэгдсэн систем E-Mongolia, Цус сэлбэлт үндэсний төвтэй хамтран эрдэнэт хүний амь насыг аварч буй иргэддээ  зориулан талархал дэвшүүлдэг боллоо. Иргэн та E-Mongolia  системд өөрийн бүртгэлээрээ амжилттай нэвтэрсний дараа баруун дээд буланд байрлах туслах цэсийн талархал хэсгээс танд зориулсан талархлын мэдээллийг харах боломжтой юм. Цусаа бэлэглэснээр бусдын амь насыг авраад зогсохгүй өөрийн эрүүл мэндэд ч эерэг нөлөө үзүүлдэг.  Тухалбал 3 сар тутамд цусаа өгснөөр цусны бүрэн шинжилгээнд хамрагдаж аливаа өвчин эмгэгээс урьдчилан сэргийлж эрүүл мэнддээ хяналт тавих бүрэн боломжтой байдаг байна. Цусаа өгөхдөө:          –           Иргэний үнэмлэх болон түүнтэй адилтгах бичиг баримттай очих –           Эм, тариа 10-14 хоног хэрэглэхгүй байх –           Хоногт зургаан цагаас дээш хугацаагаар унтаж амрах –           Согтууруулах ундааг сүүлийн гурван хоногийн дотор хэрэглээгүй байх –           Сүү, сүүн бүтээгдэхүүн, өөх тостой хоол хүнс, өнгөтэй ундаа 1-2 хоног хэрэглээгүй байх шаардлага тавьдаг ажээ.

Үндэсний статистикийн хорооны мэдээллээр 2023 онд 2.7 сая иргэн нийгмийн халамжийн үйлчилгээнд хамрагдсан байна. Хөдөлмөр нийгмийн хамгааллын яам, Хөдөлмөр халамжийн үйлчилгээний ерөнхий газар, Гааль, татвар, санхүүгийн мэдээлэл технологийн төвтэй хамтран нийгмийн халамжийн 3 үйлчилгээг цахимжууллаа. Үүнд: Үйлчилгээг авахын тулд “E-Mongolia” аппликейшнд өөрийн бүртгэлээрээ нэвтрэн орж хайлтын хэсэгт үйлчилгээний нэрийг оруулан хайлт хийснээр тус үйлчилгээнүүдийг авах боломжтой юм. Нийгмийн халамжийн үйлчилгээ цахимжсанаар иргэд төрөөс үзүүлж буй халамжийн тэтгэвэр, тэтгэмж, хөнгөлөлт, тусламжийн үйлчилгээг түргэн шуурхай авах, мэдээллийн ил тод байдлыг хангах, төрд байгаа иргэний мэдээллийг тухайн иргэнээс шаардахгүйгээр нийгмийн халамжийн үйлчилгээ хялбараар авах боломжууд  бүрдэж байгаа юм. Цаашид нэн тэргүүний шаардлагатай байнгын асаргаанд байдаг иргэдийн үйлчилгээг цахимжуулахаар  ажиллаж байна.