И-Монгол Академи

Зуны дэлгэр цаг ирж аялагчдын тоо эрс нэмэгддэг энэ үед иргэд байгалийн үзэсгэлэнт газруудад саадгүй аялахын тулд тодорхой бүс нутгуудад нэвтрэх зөвшөөрөл зайлшгүй шаардагддаг. Тухайлбал, Баян-Өлгий аймагт орших байгалийн цогцолборт газар болох Алтай Таван Богд, Хотон, Хурган нуур, Шивээт хайрхан, Даян, Ёлт, Чихэртэй, Бага Түргэний хүрхрээ зэрэг бүс нутаг хилийн зурваст хамаардаг учир тусгай зөвшөөрөл авсан тохиолдолд л аялах боломжтой байдаг. Өмнө нь иргэд энэ зөвшөөрлийг Баян-Өлгий аймаг дахь Хилийн 0165 дугаар анги дээр биечлэн очиж авдаг байсан бол одоо E-Mongolia цахим системээр дамжуулан хүсэлтээ илгээж, зөвшөөрлөө авах боломжтой. E-Mongolia системээр дамжуулан уг зөвшөөрлийг цахимаар авах боломж бүрдсэн цагаас хойш нийт 601 иргэн амжилттай хүсэлтээ илгээн зөвшөөрлөө аваад байна. Энэ нь тус үйлчилгээний хүртээмж, хялбар байдлыг харуулж буй тод жишээ юм. Иргэд хэрхэн зөвшөөрлөө цахимаар авах вэ? Анхаарах зүйл: Уг зөвшөөрөл нь зөвхөн веб портал хувилбараар авах боломжтой бөгөөд мобайл аппликэйшнээр авах боломжгүй. Мөн хүсэлт гаргахдаа очих газар, зорчих хугацаа зэрэг мэдээллийг бичих шаардлагатай. Аялахад амар, зөвшөөрөл авахад E-Mongolia таны аяллыг илүү хялбар болгоно

Монгол Улсад түр хугацаагаар ирсэн гадаадын иргэнийг орон байраар хангасан иргэн, аж ахуйн нэгж, байгууллага нь 48 цагийн дотор бүртгүүлэх хуультай. Гадаадын иргэн гэж Монгол Улсын иргэний харьяалалгүй бөгөөд гадаад улсын иргэний харьяалалтай хүнийг хэлдэг.  Хууль эрх зүйн үндэслэл: Бүртгэл хэрхэн хийх вэ? Шууд бүртгүүлэх холбооснууд: Сануулга: Бүртгэлийг заавал гадаадын иргэн байршуулснаас хойш 48 цагийн дотор хийх ёстойг анхаарна уу!

1. Вьетнам улсын төлөөлөгчид “И-Монгол академи”  УТҮГ-ын үйл ажиллагаатай танилцлаа Монгол Улсын цахим засаглалын хөгжил, төрийн цахим үйлчилгээний шинэчлэлийн бодлого, туршлага, ололт амжилттай танилцах, хамтын ажиллагааг хөгжүүлэх зорилгоор Вьетнамын төлөөлөгчид Монгол Улсад хүрэлцэн ирж, “И-Монгол академи” УТҮГ-ын үйл ажиллагаатай танилцлаа.Уулзалтын үеэр талууд Монгол Улсад хэрэгжүүлж буй цахим засаглалын бодлого, төрийн цахим үйлчилгээний нэгдсэн платформ болох “E-Mongolia” системийн хөгжлийн явц, хэрэгжилтийн бодит үр дүн, ирээдүйн зорилт, чиг хандлагын талаар дэлгэрэнгүй мэдээлэл солилцов. Мөн талууд цахим засаглалын салбарт хуримтлуулсан туршлага, сургамж, сайн жишээг хуваалцаж, хоёр улсын хамтын ажиллагааг өргөжүүлэх боломжийн талаар санал солилцлоо. 2. Спортын цолны лавлагаагаа цахимаар аваарай Биеийн тамир, спортын салбарын төрийн байгууллагаас спортын төрлөөр цол авсан тамирчин өөрийн цолны лавлагааг цахимаар авах боломжийг бүрдүүлсэн үйлчилгээ юм. Үйлчилгээг авахын тулд E-Mongolia системд өөрийн бүртгэлээрээ нэвтрэн орж хайлтын хэсэгт “Спортын цолны лавлагаа” үйлчилгээний нэрийг оруулан хайлт хийн хүсэлтээ илгээж лавлагаагаа авах бөгөөд 2012 оноос хойших цолны мэдээлэл гарах боломжтой. 3. E-Mongolia системээр дамжуулан эмнэлгийн цагаа цахимаар захиалаарай 2025 он гарсаар нийт 194,223 удаа эмнэлгийн цаг захиалах үйлчилгээг иргэд авсан байна. Үүнээс: 4. Гадаадын иргэнийг орон байраар хангасан иргэн аж ахуйн, нэгж байгууллага 48  цагийн дотор дотор бүртгүүлэх үүрэгтэй байдаг бөгөөд бүртгэлээ E-Mongolia системээр хийлгээрэй E-Mongolia системд Гадаадын иргэн харьяатын газраас авдаг үйлчилгээнүүд цахимжсанаар өдөрт 240-520 иргэн өөрийн биеэр биечлэн ирж үйлчлүүлдэг байсан бол 5-8 болтлоо буурч, 100-150 хүсэлтийг уламжлалтаар хүлээн авч шийдвэрлэдэг байсан бол 700-1100 хүсэлтийг цахимаар хүлээн авдаг болж, үйлчилгээний хүсэлтийг 5-10 хоногийн дотор шийддэг байсан бол 3 хүртэлх хоногт шийдвэрлэх боломжтой болж, иргэдэд илүү хялбар, түргэн үйлчилгээ хүргэн ажиллаж байна. 5. Хуулийн этгээд нь “Төрд байгаа миний мэдээлэл” хэсгээс зөвшөөрлийнхөө мэдээллийг харах боломжтой боллоо Зөвшөөрлийн мэдээлэл харах заавар: E-Mongolia аппликэйшнд нэвтрэн орж профайл цэсээс “Зөвшөөрлийн мэдээлэл” хэсгээс харах боломжтой. Мөн зөвшөөрлийнхөө шийдвэрлэлтийн явцын мэдээллийг хараарай. 6. Иргэдийн цахим ур чадварыг дээшлүүлсээр байна. “И-Монгол Академи” УТҮГ-ын Сургалт, олон нийттэй харилцах газрын Сургалтын хэлтэс нь Говь-сүмбэр аймгийн ЗДТГ харьяа төрийн байгууллагууд,Соёлын өвийн үндэсний төв, Монголын Улсын Үндэсний номын сан, Хүүхэд, залуучуудын театр, АЗЗА ТӨХК, Өсвөр үеийнхэнд зориулсан цахим аюулгүй байдлын воркшоп, Чингис хааны өв соёлын хүрээлэн, Богд хааны ордон музей зэрэг байгууллагуудтай хамтран 7 удаагийн 14 цагийн сургалтаар нийт 319 төрийн албан хаагчдад цахим ур чадварыг дээшлүүлэх зорилгоор E-Mongolia ашиглалт ба хэрэглээ , Цахим ур чадвар, Тоон гарын үсэг, Мэдээллийн аюулгүй байдал, Албан бичиг солилцооны дундын систем сэдвүүдээр танхим болон цахим хэлбэрээр сургалтыг зохион байгууллаа

Монгол Улсын цахим засаглалын хөгжил, төрийн цахим үйлчилгээний шинэчлэлийн бодлого, туршлага, ололт амжилттай танилцах, хамтын ажиллагааг хөгжүүлэх зорилгоор Вьетнамын төлөөлөгчид Монгол Улсад хүрэлцэн ирж “И-Монгол академи” УТҮГ-ын үйл ажиллагаатай танилцлаа. Энэ хүрээнд 2025 оны 6 дугаар сарын 9-ний өдөр төлөөлөгчид “И-Монгол академи” улсын төсөвт үйлдвэрийн газрын үйл ажиллагаатай танилцаж, байгууллагын удирдлагатай уулзалт хийлээ. Уулзалтад “И-Монгол академи” УТҮГ-ын захирал Б.Мягмарнаран, холбогдох удирдах албан тушаалтнууд болон Вьетнамын талаас төлөөлөгчдийн тэргүүн, доктор Нгуен Нгок Ха тэргүүтэй төлөөлөгчид оролцов. Уулзалтын үеэр талууд Монгол Улсад хэрэгжүүлж буй цахим засаглалын бодлого, төрийн цахим үйлчилгээний нэгдсэн платформ болох “E-Mongolia” системийн хөгжлийн явц, хэрэгжилтийн бодит үр дүн, ирээдүйн зорилт, чиг хандлагын талаар дэлгэрэнгүй мэдээлэл солилцов. Мөн талууд цахим засаглалын салбарт хуримтлуулсан туршлага, сургамж, сайн жишээг хуваалцаж, хоёр улсын хамтын ажиллагааг өргөжүүлэх боломжийн талаар санал солилцлоо. Вьетнамын төлөөлөгчид Монгол Улсын цахим шилжилтийн бодит ололт, амжилтыг өндрөөр үнэлж, цаашид цахим засаглалын чиглэлээр харилцан туршлага судлах, хоёр талын хамтын ажиллагааг гүнзгийрүүлэх сонирхлоо илэрхийлсэн юм. Энэхүү уулзалт нь Монгол Улс, БНСВУ-ын төрийн бодлого, онолын судалгаа, цахим засаглалын хөгжлийн салбарт харилцан суралцах, хамтын ажиллагааг бэхжүүлэх чухал алхам боллоо.

Иргэн та хашаандаа тарьсан модоо E-Mongolia-гаар хялбархан бүртгүүлээрэй Та өөрийн хашаа болон эзэмшлийн газартаа тарьсан модоо E-Mongolia аппликэйшн ашиглан албан ёсоор бүртгүүлэх боломжтой. Уг бүртгэл нь “Нэг тэрбум мод” хөтөлбөрийн хэрэгжилтийг ил тод, хяналттай, үр дүнтэй зохион байгуулахад бодитой дэмжлэг үзүүлэх ач холбогдолтой юм. Иргэн таны тарьсан нэг мод Монгол орны ногоон ирээдүйн эхлэл болно. Байгаль орчноо хамгаалж, хойч үедээ эрүүл, тэнцвэртэй орчныг өвлүүлэн үлдээх үйлсэд идэвхтэй оролцоцгооё! Оюутны зээлийн эргэн төлөлтийн мэдээллээ E-Mongolia системээр шалгаарай Боловсролын зээлийн сан нь оюутан, суралцагчдад дээд боловсрол эзэмшихэд нь санхүүгийн дэмжлэг үзүүлэх зорилготой төрийн байгууллага юм. Иргэдийн санхүүгийн ачааллыг бууруулж, илүү ил тод, хүртээмжтэй үйлчилгээг бий болгох зорилгоор “И-Монгол академи“ УТҮГ болон Боловсролын зээлийн сан хамтран оюутны зээл, тэтгэлэг эргэн төлөлтийн хуваарийн лавлагааг цахим хэлбэрт шилжүүллээ. Энэ шинэчлэлээр иргэд өөрийн зээлийн эргэн төлөлтийн хуваарь, үлдэгдэл, түүх зэргийг гар утасны аппликэйшн болон вэб хуудсаар дамжуулан хүссэн үедээ харах боломжийг олгож байна. Иргэн та Боловсролын зээлийн сангаас авсан зээл, тэтгэлгийн мэдээллээ тогтмол шалгаж, эргэн төлөлтөө хариуцлагатай хийхийг уриалж байна. Виз мэдүүлэгт шаардлагатай баримт бичгүүдийг E-Mongolia-аас нэг дор цахимаар аваарай! Сүүлийн жилүүдэд Монгол Улсын иргэдийн гадаад улс оронд зорчих хөдөлгөөн тогтвортой өсөлттэй байна. Виз мэдүүлэхэд шаардагдах бичиг баримтыг бүрдүүлэх үйл явц өмнө нь иргэдэд олон байгууллагаар хандах, урт дараалалд зогсох, бичиг баримт бүрдүүлэхэд олон хоног зарцуулах зэрэг хүндрэлтэй, олон шат дамжлагатай байсаар ирсэн. Харин төрийн үйлчилгээний нэгдсэн систем болох E-Mongolia платформоор дамжуулан виз мэдүүлэгт шаардлагатай лавлагаа, тодорхойлолтыг нэг дор цахимаар авах боломжийг бүрдүүлээд байна. “И-Монгол академи” УТҮГ, Багахангай, Багануур дүүргийн Засаг даргын тамгын газартай хамтран ажиллана Нийслэлийн Багахангай, Багануур дүүрэг нь Монгол Улсын нийслэлийн алслагдсан дүүргүүд юм. Өнөөдрийн байдлаар Багахангай дүүргийн насанд хүрсэн иргэдийн 90 хувь, Багануур дүүргийн иргэдийн 95 хувь нь төрийн үйлчилгээний нэгдсэн E-Mongolia системийг идэвхтэй ашиглаж байгаа юм. “И-Монгол академи” УТҮГ, Багахангай, Багануур дүүргийн Засаг даргын Тамгын газруудын хамтын ажиллагааг бэхжүүлэх, цаашид бүтээгдэхүүн үйлчилгээний чанарт анхаарах, төрийн үйлчилгээний хүртээмж, хялбар байдлыг нэмэгдүүлэх чиглэлээр цахим уулзалт зохион байгууллаа. Ингэснээр тус дүүргүүдийн иргэдийн түлхүү авдаг үйлчилгээнүүдийг сурталчлан таниулж иргэдэд хүртээмжтэй байдлыг нэмэгдүүлэх, бүрдүүлэх тал дээр анхаарч ажиллах юм. Иргэдийн цахим ур чадварыг дээшлүүлсээр байна “И-Монгол Академи” УТҮГ-ын Сургалт, олон нийттэй харилцах газрын Сургалтын хэлтэс нь Монголын театрын музей, Хархорум музей, Монгол Алтайн хадны зургийн цогцолборын хамгаалалтын захиргаа, Хөшөө цайдам музей, Архангай аймаг Хашаат сум зэрэг байгууллагуудтай хамтран 2 удаагийн 3 цагийн сургалтаар нийт 25 төрийн албан хаагчдад цахим ур чадварыг дээшлүүлэх зорилгоор E-Mongolia ашиглалт ба хэрэглээ , Цахим ур чадвар, Тоон гарын үсэг, Мэдээллийн аюулгүй байдал, Албан бичиг солилцооны дундын систем сэвдүүдээр танхимын сургалтыг зохион байгууллаа

Статистикийн байгууллага 1961 оноос эхлэн нэгдсэн арга зүйгээр бүх нутаг дэвсгэрийг хамруулан тогтсон хугацаанд буюу жил бүрийн 12 дугаар сарын 07-ноос 17-ны өдрүүдэд улс орон даяар нэгэн зэрэг явуулж, өмчийн бүх хэлбэрийн малыг тооллогод хамруулдаг болсон. 2024 оны мал тооллогын урьдчилсан дүнгээр улсын хэмжээнд нийт 57.6 сая толгой мал тоологдсон тухай Үндэсний статистикийн хорооноос мэдээллээ. Мал тооллогын үр дүн нь иргэд болон аж ахуйн нэгжүүдэд төрөл бүрийн үйлчилгээнд шаардлагатай баримт бичиг болдог. Тухайлбал: Өмнө нь мал тооллогын лавлагааг авахын тулд иргэд аймаг, дүүрэг, хороо зэрэг харьяа байгууллагад биечлэн очих шаардлагатай байсан бол одоо E-Mongolia цахим системээр дамжуулан энэхүү лавлагааг онлайнаар авах боломж бүрдээд байна. Энэ нь төрийн үйлчилгээг иргэдэд түргэн шуурхай, ил тод, хүртээмжтэй хүргэхэд чухал ач холбогдолтой юм. Тэгвэл цахимаар 167,263 иргэн, 105 аж ахуйн нэгж байгууллага мал тооллогын лавлагааг авсан байна. Гэсэн хэдий ч мэдээллийн хүртээмжтэй байдлаас шалтгаалан одоог хүртэл иргэд лавлагаагаа биечлэн очиж үйлчилгээ авах хандлага багагүй байна. Тиймээс цахимжсан үйлчилгээг малчин иргэдэд сурталчлан таниулах, мэдээ мэдээллийг олон талт сувгаар түгээх, хүртээмжийг нэмэгдүүлэх, уялдааг хангах тал дээр илүү ач холбогдол өгч анхааран төрийн байгууллагуудын хэвлэл мэдээллийг хариуцсан удирдлага, алба хаагчидтай хамтарсан уулзалтыг шат дараатай зохион байгуулж байгаа билээ. Тус ажлын хүрээнд өнөөдөр “И-Монгол академи” УТҮГ-ын СОНХГ, Үндэсний статистикийн хорооны алба хаагчид уулзаж харилцан санал солилцов. Энэхүү хамтын ажиллагаа нь зөвхөн мэдээлэл түгээх төдийгүй, иргэдийн цахим үйлчилгээний талаарх мэдлэгийг нэмэгдүүлэх, төрийн мэдээллийг шуурхай,бодитой хүргэх суурь нөхцөлийг бүрдүүлэх чухал алхам болж байгаагаараа онцлог байна. Жич: 2014 оноос хойших мал тооллогын мэдээллээ цахимаар авах боломжтой бөгөөд энэхүү лавлагаа нь тухайн өрхийн тэргүүлэгчийн нэр дээр бүртгэгдсэн байдаг. Тиймээс лавлагаа авахдаа өрхийн тэргүүлэгчийн регистрийн дугаар эсвэл иргэний үнэмлэх ашиглан үйлчилгээ авах боломжтой юм.