Иргэд аливаа гэмт хэрэг, зөрчил, гамшиг осол, гал түймэр, эмнэлгийн яаралтай тусламж зэрэг нөхцөл байдалд байршлаа хэлж мэдэхгүй тохиолдолд E-Mongolia аппликэйшний “Яаралтай түргэн тусламж дуудах” хэсэг дээр дарснаар what3words технологид суурилсан 3 үгт хаягаа хялбархан илгээх боломжтой.
What3words нь дэлхийн гадаргууг 3м x 3м хэмжээтэй квадратуудад хуваан, давтагдашгүй гурван үгтэй хаяг оноосон дэвшилтэт систем юм. Энэ нь аливаа байршлыг маш нарийвчлалтай, ойлгомжтой, түргэн тогтоох боломжийг бүрдүүлдэг.
3 үгт хаягаа хэрхэн илгээх вэ?
- E-Mongolia аппликэйшн руу нэвтэрнэ.
- Профайл хэсгийн баруун дээд буланд байрлах “SOS” товч дээр дарна.
- Таны байгаа газрын 3 үгт хаяг автоматаар тодорхойлогдож,
- Цагдаа
- Түргэн тусламж
- Онцгой байдал зэрэг яаралтай холбоо барих дугаарууд руу шууд залгах боломж гарч ирнэ.
Интернэттэй болон интернэтгүй нөхцөлд ашиглах боломжтой
- Интернэтгүй байсан ч E-Mongolia аппликэйшнээр 3 үгт хаягаа илгээх боломжтой.
- Хэрэв аппликэйшн ашиглах боломжгүй бол, Мэдээлэл, шуурхай удирдлагын төвөөс тусгай холбоос бүхий мессеж илгээж, тухайн холбоосоор дамжуулан иргэн өөрийн 3 үгт байршлыг харж, мэдээлэл өгч болно.
Мөн иргэд 3 үгт хаягаа ашиглан иргэний үнэмлэх, гадаад паспорт зэрэг бичиг баримтаа E-Mongolia системээр захиалаад, нарийвчилсан байршлаараа хүргүүлэн авах боломжтой юм.
Иргэн таны байршлыг нарийн тогтоож, амин чухал үед тусламж авах боломжийг E-Mongolia ба What3words хамтдаа бүрдүүлж байна.
