И-Монгол Академи

1.Гэр бүл, хөдөлмөр нийгмийн хамгааллын яам болон түүний харьяа байгууллагуудтай уулзалт зохион байгууллаа Уулзалтаар үйлчилгээний чанар, хүртээмжийг сайжруулах, иргэдэд цаг алдалгүй мэдээллийг хүргэх, төрийн үйлчилгээг илүү сурталчлах зэрэг чухал асуудлуудыг хэлэлцлээ. Түүнчлэн цахим ур чадварын мэдлэг хомс байгаагаас төрийн үйлчилгээ авахад хүндрэлтэй байгаа зорилтод бүлэг, ялангуяа өндөр настан, тусгай хэрэгцээт иргэдэд зориулан зарим үйлчилгээг сайжруулах, цахимжуулах шаардлагатай гэдгийг онцолсон ю 2.Хөдөлмөр, халамжийн үйлчилгээний ерөнхий газартай уулзалт зохион байгууллаа. Хөдөлмөр, халамжийн үйлчилгээний ерөнхий газраас иргэдэд үзүүлдэг нийт 72 үйлчилгээнээс 28 үйлчилгээ нь одоогоор төрийн үйлчилгээний нэгдсэн E-Mongolia системд холбогдсон байна. Иргэд давхардсан тоогоор 982,773 удаагийн үйлчилгээг  цахимаар авчээ.Талууд цаашид Хөдөлмөр, халамжийн үйлчилгээний ерөнхий газрын хариуцдаг E-Halamj, E-Job платформын үйлчилгээнүүдийг төрийн үйлчилгээний нэгдсэн E-Mongolia системээр дамжуулан иргэдэд хүргэх асуудлыг хэлэлцлээ. “И-Монгол академи” УТҮГ-ын захирал Б.Мягмарнаран уулзалтын төгсгөлд хамтын ажиллагааг бэхжүүлэхийн тулд шат дараатай уулзалтуудыг зохион байгуулж, иргэдэд төрийн үйлчилгээг илүү хүртээмжтэй, хялбар байдлаар хүргэхэд дэмжин ажиллахаа онцлон тэмдэглэсэн юм. 3.Эрүүл мэндийн хөгжлийн төвийн лавлагаа шинэчлэгдлээТөрийн үйлчилгээний нэгдсэн систем E-Mongolia-д Эрүүл мэндийн хөгжлийн төвийн  “Эрүүл мэндийн ажилтны мэргэшлийн зэргийн лавлагаа” болон “Эмнэлгийн мэргэжилтний мэргэжлийн үйл ажиллагаа эрхлэх зөвшөөрлийн лавлагаа” зэрэг лавлагаанууд шинэчлэгдлээ. Өмнө нь эмнэлгийн мэргэжилтний хамгийн сүүлийн хүчинтэй зэрэг, зөвшөөрлийн мэдээллийг авах боломжтой байсан бол одоогоос бүх цаг үеийн зэрэг, зөвшөөрлийн түүхийг харах боломжтой боллоо. 4.“Эрдэнэс Тавантолгой” ХК-ийн 1072 ширхэг хувьцааны ногдол ашгаа хэрхэн авахаа иргэн та дараах 3 сонголтоос сонгох боломжтой боллоо!     Иргэн та: Бэлэн мөнгө, Хуримтлалын сан, Хандив гэсэн гурван сонголтоос нэгийг хийх боломжтой ба саналыг E-Mongolia цахим системээр дамжуулан 2 дугаар сарын 26-ний өдөр хүртэл хүлээн авна. Энэ хугацаанд та саналаа дахин засварлах боломжтой. Хэрэв санал өгөлгүй үлдвэл ногдол ашиг нь автоматаар таны банкны дансанд шилжих юм. 5.“И-Монгол Академи” УТҮГ  нь ISO 27001:2022 болон ISO 9001:2015 стандартын гэрчилгээ гардан авлаа. Монгол Улсын цахим хөгжил, инновацын тэргүүлэгч байгууллага болох “И-Монгол Академи” УТҮГ нь АНУ-ын IAS, Монгол улсын үндэсний MNAS итгэмжлэлтэй тохирлын үнэлгээний байгууллага МонСертф ХХК-аас ISO 27001:2022 (Мэдээллийн аюулгүй байдлын менежментийн тогтолцоо) болон ISO 9001:2015 (Чанарын менежментийн тогтолцоо) олон улсын стандартуудын баталгаажуулалтын гэрчилгээг амжилттай гардан авлаа. Эдгээр стандартуудыг хэрэгжүүлснээр “И-Монгол Академи” УТҮГ нь мэдээллийн аюулгүй байдлын өндөр түвшний хамгаалалттай, хэрэглэгчийн сэтгэл ханамжийг дээшлүүлсэн, чанарын удирдлагын тогтолцоог бүрэн хангасан байгууллага болохоор баталгаажуулж байна. 6.Монгол банкны валютын ханшийн мэдээллийг авах боломжтой боллоо.Төрийн үйлчилгээний нэгдсэн систем E-Mongolia-аас иргэд болон бизнес эрхлэгчдэд Монгол банкнаас зарласан валютын ханшийн мэдээллийг шууд авах боломжтой боллоо. Энэхүү шинэ үйлчилгээ нь хэрэглэгчдэд тухайн өдрийн валютын ханшийн мэдээллийг хурдан, шуурхай авах боломжийг олгож, өдөр тутмын гүйлгээ, төлбөр тооцоог хялбаршуулан илүү хялбараар  гүйцэтгэх боломжийг бүрдүүлж байгаа юм.

Монгол Улсын цахим хөгжил, инновацын тэргүүлэгч байгууллага болох “И-Монгол Академи” УТҮГ нь АНУ-ын IAS, Монгол улсын үндэсний MNAS итгэмжлэлтэй тохирлын үнэлгээний байгууллага МонСертф ХХК-аас ISO 27001:2022 (Мэдээллийн аюулгүй байдлын менежментийн тогтолцоо) болон ISO 9001:2015 (Чанарын менежментийн тогтолцоо) олон улсын стандартуудын баталгаажуулалтын гэрчилгээг амжилттай гардан авлаа. Эдгээр стандартуудыг хэрэгжүүлснээр “И-Монгол Академи” УТҮГ нь мэдээллийн аюулгүй байдлын өндөр түвшний хамгаалалттай, хэрэглэгчийн сэтгэл ханамжийг дээшлүүлсэн, чанарын удирдлагын тогтолцоог бүрэн хангасан байгууллага болохоор баталгаажуулж байна.           ISO 27001:2022 стандарт нь байгууллагын мэдээллийн аюулгүй байдлыг хангах, эрсдэлийг удирдах, кибер халдлагаас хамгаалах чухал арга хэмжээг хэрэгжүүлэх боломжийг олгодог. Энэхүү стандартын хүрээнд “И-Монгол Академи” УТҮГ нь мэдээллийн дэд бүтцээ сайжруулж, аюулгүй байдлын бодлого, журам, хяналтын механизмуудыг боловсронгуй болгосон байна. Үүнтэй холбоотойгоор байгууллага дотоод аудит, эрсдэлийн үнэлгээний системийг бүрэн нэвтрүүлж, мэдээллийн хамгаалалтын үйл ажиллагааг тасралтгүй сайжруулж ажиллах юм. Харин ISO 9001:2015 стандарт нь үйл ажиллагааны тогтвортой байдлыг хангаж, чанарын удирдлагын шилдэг практикийг хэрэгжүүлэх замаар хэрэглэгчдийн итгэлийг нэмэгдүүлэхэд чиглэдэг. Энэхүү стандартын хүрээнд “И-Монгол Академи” УТҮГ нь дотоод менежментээ сайжруулж, чанарын хяналтын процессуудыг илүү үр ашигтай болгоход анхаарч ажилласан. Үйлчилгээний чанарыг сайжруулснаар төрийн цахим үйлчилгээг хэрэглэгчдэд илүү найдвартай, шуурхай хүргэх боломж бүрдэж байна. Энэхүү амжилт нь “И-Монгол Академи” УТҮГ -ын хамт олон олон улсын шилдэг туршлагуудыг нэвтрүүлж, цахим засаглалыг хөгжүүлэхэд үнэтэй хувь нэмэр оруулж байгаагийн илэрхийлэл юм. Цаашид байгууллага нь стандартын дагуу үйл ажиллагаагаа тасралтгүй сайжруулж, Монгол Улсын цахим хөгжлийн салбарт тэргүүлэх байр сууриа бататгах болно. Гэрчилгээ гардан авах үйл ажиллагааны үеэр “И-Монгол Академи” УТҮГ -ын удирдлагууд болон холбогдох мэргэжилтнүүд оролцож, энэхүү амжилтыг байгууллагын хамтын хүчин чармайлтын үр дүн хэмээн онцлон тэмдэглэлээ. Мөн цаашид ISO стандартуудыг илүү өргөн хүрээнд хэрэгжүүлж, олон улсын түвшинд нийцсэн цахим засаглалын тогтолцоог хөгжүүлэх зорилгоо үргэлжлүүлэн хэрэгжүүлэхээ илэрхийллээ.

2025 оны 2 дугаар сарын 20-ны өдрийн 15:00 цагийн байдлаар E-Mongolia системээр 81,584 иргэн саналаа өгчээ. Үүнд: • Ноогдол ашгаа банкны дансанд шууд шилжүүлэн авах хүсэлт гаргасан иргэдийн тоо 81,070 иргэн, • Хуримтлалын сан буюу ирээдүйд хэрэглэх зорилгоор хуримтлуулж хадгалах эсвэл Баялгийн сангийн агуулгаар хадгалах гэсэн сонголт хийсэн 3,282 иргэн, • Хандив буюу нийгмийн сайн үйлс болон төсөл, санд хандивлах хүсэлт гаргасан 207 иргэн саналаа тус тус илгээсэн байна. Энэхүү санал авах ажиллагаа 2025 оны 2 дугаар сарын 26-ны өдрийг дуустал үргэлжлэх бөгөөд энэ хугацаанд иргэд саналаа дахин засварлах боломжтой. Санал өгөөгүй иргэдийн ноогдол ашиг автоматаар банкны дансанд шилжигдэх болно.

E-Mongolia системд нэвтрэн орж, Монгол банкнаас зарласан ханшийн мэдээллийг авах нь маш хялбар болсон. Хэрэглэгчид E-Mongolia системд өөрийн бүртгэлээрээ орж, Монгол банкны албан ёсны ханшийн мэдээллийг шууд авах боломжтой болсон байна. Үйлчилгээний үйл явц: E-Mongolia системд нэвтрэх: Өөрийн E-Mongolia бүртгэлээрээ системд нэвтэрнэ. Хайлтаа хийх:“Монгол банкнаас зарласан ханшийн лавлагаа” гэж бичиж хайлт хийх. Хүссэн мэдээллээ авах: Та тухайн өдрийн болон хүссэн огнооны Монгол банкны албан ёсны ханшийн мэдээллийг шууд авах боломжтой. Энэхүү үйлчилгээ нь иргэд болон бизнес эрхлэгчдэд ханшийн мэдээллийг хурдан, шуурхай авах боломжийг олгох бөгөөд өдөр тутмын гүйлгээ, төлбөр тооцоог хялбаршуулж, илүү үр ашигтай болгоход туслах зорилготой.

Төрийн үйлчилгээний нэгдсэн систем E-Mongolia-д Эрүүл мэндийн хөгжлийн төвийн “Эрүүл мэндийн ажилтны мэргэшлийн зэргийн лавлагаа”, “Эмнэлгийн мэргэжилтний мэргэжлийн үйл ажиллагаа эрхлэх зөвшөөрлийн лавлагаа” шинэчлэгдлээ. Өмнө нь эмнэлгийн мэргэжилтний хамгийн сүүлийн хүчинтэй зэрэг, зөвшөөрлийн тухай мэдээллийг хүргэдэг байсан бол одоо бүх цаг үеийн зэрэг, зөвшөөрлийн түүхийг харах боломжтой боллоо. Энэхүү үйлчилгээ шинэчлэгдсэнээр эрүүл мэндийн мэргэжилтнүүд мэргэшлийн зэргийн болон зөвшөөрлийн лавлагааг илүү хурдан,  хялбараар авах боломжууд бүрдэж  байгаа юм.

Та И Монголиа -аар нэвтрэн “Эрдэнэс Тавантолгой” ХК-ийн өөрийн эзэмшил дэх хувьцааны ногдол ашгийг цаашид хэрхэн ашиглах талаарх санал бодлоо хуваалцах боломжтой.Дараах гурван сонголтоос нэгийг хийх боломжтой ба саналыг E-Mongolia цахим системээр дамжуулан 2 дугаар сарын 26-ний өдөр хүртэл хүлээн авна. Энэ хугацаанд та саналаа дахин засварлах боломжтой. Хэрэв санал өгөлгүй үлдвэл ногдол ашиг нь автоматаар таны банкны дансанд шилжих юм. Энэхүү санал асуулга нь цаашид Үндэсний баялгийн сангийн бодлогыг иргэдийн хүсэл сонирхолд нийцүүлж, эрдэс баялгаас иргэдэд олгож буй ногдол ашгийн нийгэм, эдийн засгийн үр өгөөжийг өндөр ач холбогдолтой тул та санал асуулгад идэвхтэй оролцоорой.