“И-Монгол академи” УТҮГ нь бүх нийтийн цахим ур чадварыг дээшлүүлэх, тоон тэгш бус байдлыг бууруулах зорилгоор “Digital.edu.mn” цахим сургалтын платформыг амжилттай хэрэгжүүлж байна. Энэхүү платформ нь төрийн албан хаагчдаас эхлээд ахмад настан, хөгжлийн бэрхшээлтэй иргэд, хөдөө орон нутгийн оршин суугчид зэрэг олон нийтийн бүлгийг хамарсан хүртээмжтэй сургалтын контент, мэдээллийг хүргэж байгаа юм.
Тус платформоор дамжуулан та бүхэн цахим ур чадвартай холбоотой гарын авлагуудтай танилцахаас гадна, цахим ур чадварыг нэмэгдүүлэхэд чиглэсэн видео хичээлүүдийг цахимаар хаанаас ч үзэх боломжтой.
“Алсын хараа–2050” урт хугацааны хөгжлийн бодлогыг олон нийтэд ойлгомжтой байдлаар түгээх зорилгоор тус бодлогын баримт бичгийн видео хичээлүүдийг оруулсан нь иргэдийн мэдлэгийг нэмэгдүүлэх, ирээдүйн хөгжлийн зорилтыг таниулах иргэдийн оролцоог нэмэгдүүлэх бодит боломжийг бүрдүүллээ.
