Бизнес эрхлэгч хүн бүрд зориулсан E-Business системээр хуулийн этгээд үүсгэн байгуулахаас эхлээд татан буулгах хүртэл бүх шатыг цахимжуулж, бүх төрлийн зөвшөөрөл хүсэх, сунгах шийдлүүдийг нэг дороос авах боломжийг “И-Монгол академи” УТҮГ нь холбогдох байгууллагуудтай хамтран бүрдүүлсээр байна.
Гэр бүл, хөдөлмөр, нийгмийн хамгааллын яамтай хамтран үйлдвэрлэл, үйлчилгээний машин механизм, тоног төхөөрөмжид гэрчилгээ олгох үйлчилгээг цахимжууллаа. Аюулгүй байдлыг хангасан машин механизм, тоног төхөөрөмж дээр ажилтныг ажиллуулах нөхцөлийг бүрдүүлэх, ажил олгогчоос үйлдвэрлэлийн зориулалттай хүний эрүүл мэндэд аюул учруулж болох машин механизм, тоног төхөөрөмжийг шинээр суурилуулах, их засварын дараа ашиглалтад оруулахдаа уг машин механизм, тоног төхөөрөмж нь хөдөлмөрийн аюулгүй ажиллагаа, эрүүл ахуйн шаардлага хангаж буй эсэхийг хянан баталгаажуулах үйлчилгээ юм.
Үйлчилгээг авахын тулд E-Business системд нэвтрэн “Үйлчилгээнүүд” цэсээс “Үйлдвэрлэл,үйлчилгээний машин механизм, тоног төхөөрөмжид гэрчилгээ олгох(Нэг удаад)” үйлчилгээг сонгох бөгөөд тус үйлчилгээ нь ажлын 10 хоногийн дотор шийдвэрлэгдэн гэрчилгээ тань гарах юм.
Үйлчилгээ шууд авах линк: https://e-business.mn/category/service/uildverleluilchilgeenii-mashin-myekhanizm-tonog-tukhuurumjid-gerchilgee-olgokh(neg-udaad)
