2025-2026 оны хичээлийн жилд нийслэлийн цэцэрлэгт хамрагдах хүсэлтийг E-Mongolia системээр энэ оны 08 дугаар сарын 4-нөөс 18-ныг хүртэл авч дууссан. Уг бүртгэлд нийт 111,802 хүүхэд хамрагджээ. Үүнд:
- 5 настай – 30,786
- 4 настай – 29,230
- 3 настай – 26,122
- 2 настай – 24,022 хүүхэд байна.
Харин хаягийн шилжилт хөдөлгөөн хийлгэсэн, эхний шатны бүртгэлд хамрагдаж амжаагүй, хоцорсон зэрэг тохиолдолд хүүхдээ 2 дугаар шатны бүртгэлээр цахимаар бүртгүүлэх боломжтой.
Энэхүү бүртгэлийг 2025 оны 08 дугаар сарын 28-наас 09 дүгээр сарын 08-ны өдөр хүртэл E-Mongolia системээр хүлээн авах юм.
Цэцэрлэгт хамрагдах хүсэлтийн хариуг таны бүртгүүлсэн утасны дугаарт мессежээр илгээхээс гадна E-Mongolia системд нэвтрэн орж “Нийслэлийн цэцэрлэгт хамрагдах хүсэлтийн үр дүн” үйлчилгээний цэсээс шалгах боломжтой.
