Эрчим хүчний салбарын хүний нөөцийн ил тод байдлыг хангах, тус салбарын төрийн цахим үйлчилгээг нэмэгдүүлэх зорилгоор “Эрчим хүчний салбарын мэргэжлийн зэрэг эзэмшигчийн лавлагаа” үйлчилгээг E-Mongolia системд шинээр нэвтрүүллээ. Ингэснээр иргэн, хуулийн этгээд, холбогдох байгууллага инженерийн мэргэшлийн талаарх мэдээллийг найдвартай, шуурхай авах боломжтой юм.
Уг лавлагаагаар тухайн инженер эрчим хүчний салбарт мэргэшсэн эсэх, зөвлөх инженерийн эрхтэй эсэх, мэргэшлийн чиглэл болон гэрчилгээний хүчинтэй байдлыг баталгаажуулна.
Шинэ үйлчилгээ нь мэргэжлийн зэргийн мэдээллийг үнэн зөв, ил тод байлгаж, лавлагаа авах үйл явцыг хялбар, хурдан болгохоос гадна цаасан бичиг баримтын хэрэглээг бууруулахад чухал ач холбогдолтой юм.
Цахимаар шийдэж, цагаа хэмнэе E-Mongolia
