1.Та хүүхдийнхээ цэцэрлэгийн гэрээг цахимаар байгуулах боломжтой. 2025-2026 оны хичээлийн жилийн нийслэлийн цэцэрлэгийн гэрээг цахимаар байгуулж эхэллээ. Эцэг эх, асран хамгаалагчид та бүхэн E-Mongolia системээр дамжуулан хүүхдийнхээ “Цэцэрлэгт хамрагдах хүсэлтийн үр дүн”-г харах боломжтой бөгөөд цаг алдалгүй цахимаар гэрээгэээ байгуулаарай.

Гэрээг хэрхэн байгуулах вэ?

• Та E-Mongolia систем рүүгээ нэвтрэн ороод “Нийслэлийн цэцэрлэгт хамрагдах хүсэлтийн үр дүн” гэж хайж тус үйлчилгээг сонгон орно.
• Ингэснээр таны цэцэрлэгийн насны хүүхдийн мэдээлэл гарч ирэх ба таны хүүхэд аль нэг цэцэрлэгт хуваарилагдсан бол төлөв хэсэгт ХУВААРИЛАГДСАН гэсэн бичиг гарч ирнэ.
• Хүүхдийн тань мэдээллээс гадна хуваарилагдсан цэцэрлэг нь харагдах бөгөөд та ГЭРЭЭ БАЙГУУЛАХ гэсэн цонхыг сонгож e-geree.mn системтэй холбогдон цахимаар гэрээгээ байгуулах боломжтой.

Нийслэлийн 300 гаруй цэцэрлэгийн 110’000 гэрээг цахимаар байгуулснаар 1.260.000 ширхэг цаас, 12.600.000 литр ус, 105 нас биед хүрсэн мод хэмнэж, байгаль орчноо хамгаалах ногоон шийдэл болж байгаа юм.

2. “И-Монгол академи” УТҮГ-ын судлаачийн өгүүлэл“International journal of Public Administration and Consulting (IJPAC)” олон улсын эрдэм шинжилгээний сэтгүүлд нийтлэгдлээ. Сургалт, Олон нийттэй харилцах газрын дарга Н.Төрбат нь “INCREASING ACCESS TO E-GOVERNMENT SERVICES: A COMPARATIVE INTERNATIONAL ANALYSIS” сэдэвт өгүүллээ БНСУ-ын Hansung University-аас эрхлэн гаргадаг олон улсын нэр хүндтэй “International Journal of Public Administration and Consulting (IJPAC)” сэтгүүлд нийтлүүллээ. Энэхүү өгүүлэлд төрийн цахим үйлчилгээг хөгжлийн бэрхшээлтэй иргэдэд хүртээмжтэй болгох асуудлыг олон улсын туршлагатай харьцуулан судалж, Монгол Улсад цахим төрийн бодлогыг илүү иргэн төвтэй, хүртээмжтэй болгох арга замыг тодорхойлсон нь шинжлэх ухааны болон бодлогын хувьд өндөр ач холбогдолтой юм. Судалгаанд хиймэл оюун ухаанд суурилсан үйлчилгээний шийдлийг хөгжүүлснээр хүртээмжийг нэмэгдүүлэх боломжийг хөндөж, практикт хэрэгжүүлэх боломжийн талаар онцолсон байна.

3. Нэгдүгээр ангийн элсэлтийн цахим бүртгэл E-Mongolia cимтемээр хүлээн авч дууслаа. 2025-2026 оны хичээлийн жилийн I дүгээр ангийн элсэлтийн цахим бүртгэлийг 2025 оны 8 дугаар сарын 12-ны өдрөөс 26-ны өдөр хүртэл хүлээн авч дууссан байна. Энэ хугацаанд нийт 45,771 хүүхэд цахимаар элсэх хүсэлтээ илгээсэн байна.

4. Нийслэлийн цэцэрлэгт хамрагдах 2 дугаар шатны цахим бүртгэл эхэллээ. Нийслэлийн цэцэрлэгт хамрагдах хүсэлтийг E-Mongolia системээр дөрөв дэх жилдээ хүлээн авч байгаа бөгөөд эхний шатны бүртгэлийг амжилттай хүлээн авч дууссан.1 дүгээр шатны бүртгэлээс хоцорсон, түр оршин суугч, хаягийн шилжилт хийлгэсэн эцэг эх, асран хамгаалагчид та бүхэн “Нийслэлийн цэцэрлэгт хамрагдах 2 дугаар шат”-ны цахим бүртгэлд хүсэлтээ илгээх боломжтой бөгөөд 2025 оны 08 дугаар сарын 28-ны 09:00 цагаас 2025 оны 09 дүгээр сарын 08-ны өдрийг дуустал E-Mongolia системээр хүлээн авна.

5. Шинээр төрсөн хүүхдийн төрсний бүртгэлд бүртгүүлэх хүсэлтээ E-Mongolia -аар илгээгээрэй. Өнөөдрийн байдлаар E-Mongolia системд 767 иргэн шинээр мэндэлсэн хүүхдээ цахимаар бүртгүүлэх хүсэлт гарган амжилттай бүртгүүлжээ. Шинээр төрсөн хүүхдийг төрсний бүртгэлд цахимаар бүртгүүлэх заавар:

• Та E-Mongolia системд бүртгэлээрээ нэвтрэн орно
• Үйлчилгээнүүд цэсийг сонгон

Шинээр төрсөн хүүхдийг төрсний бүртгэлд бүртгүүлэх хүсэлт үйлчилгээг авах товч дээр дарж, хүсэлтээ илгээгээрэй

6. Иргэн та амьтны эрүүл мэндийн гэрчилгээ (Нохой, муур) e-mongolia.mn болон e-business.mn портал ашиглан аваарай.