“ЭРДЭНЭС ТАВАНТОЛГОЙ” ХК-ийн хувьцааны ногдол ашгийн үлдэгдлийг хэрхэн хүлээн авах санал асуулгын 2 дугаар шатны баталгаажуулалт дуусахад 2 хоног үлдлээ 

 
“Эрдэнэс Тавантолгой” ХК-ийн хувьцааны ногдол ашгийн сүүлийн олголтыг хэрхэн хүлээн авах санал асуулга 2025 оны 04 дүгээр сарын 09-ний өдөр хүлээн авч дууссан. Бэлэн мөнгө /Хувийн харилцах дансанд/ хүлээн авах сонголтыг хийсэн иргэдийн ногдол ашиг 04 дүгээр сарын 10-ны өдрөөс эхлэн олгогдож байгаа бөгөөд Хандив, Хуримтлалын сан /Баялгийн сан/-д санал өгсөн иргэдийн 2 дугаар шатны баталгаажуулалт дуусахад 2 хоног үлдсэн байна. 
Та “Хуримтлалын сан” болон “Хандив” гэсэн сонголтыг хийсэн бол энэхүү санал асуулгаар заавал баталгаажуулна уу. 
Таны өгсөн санал нь цаашид “Үндэсний баялгийн сан”-ийн бодлогыг ард иргэдийн хүсэл сонирхолд нийцүүлэн боловсруулж, эрдэс баялгаас иргэдэд хүртээж буй ногдол ашгийн нийгэм, эдийн засгийн үр өгөөжийг нэмэгдүүлэхэд чухал үүрэг гүйцэтгэнэ. 
Хуримтлалын сан / Баялгийн сан/-д орсон ногдол ашгаа шалгах: 
– Та өөрийн бүртгэлээрээ И-Монголиа систем рүү нэвтрэн орох 
– Профайл хэсэгт байрлах “Төрд байгаа миний мэдээлэл” хэсэгт “Чингис хаан” Үндэсний Баялгийн Сан-д нийт хуримтлагдсан дүн харагдана. 
Мөн “Үнэт цаасны данс” нээлгээгүй иргэд дансаа И-Монголиа системээр нээлгэх боломжтой.