E-Mongolia системээс шинжилгээний хариугаа хэрхэн харах вэ?

Төрийн үйлчилгээний нэгдсэн E-Mongolia системээс эмнэлэгт өгсөн шинжилгээний хариугаа цахимаар авах боломжтой болсон нь иргэд эмнэлэгт биечлэн очих шаардлагагүй болж, гар утас, компьютерээсээ цаг алдалгүй хариугаа харах, татаж авах, бусдад илгээх боломж бүрдсэн. Одоогийн байдлаар нийт 2,466,054 иргэн шинжилгээний хариугаа цахимаар авсан тоон мэдээлэл гарчээ.
Шинжилгээний хариу харах заавар:
– E-Mongolia системд өөрийн бүртгэлтэй хаягаараа нэвтрэх;
– “Эрүүл мэнд” цэсийг сонгох;
– “Шинжилгээний хариу авах” товчийг дарах;
Шаардлагатай мэдээллээ сонгох:
– Багц шинжилгээ;
– Дүрс оношилгооны дүгнэлт, зураг;
– Цусны бүлгийн мэдээлэл;
– Цэцэрлэгийн шинжилгээ;
– Бусад шинжилгээний хариу;
Хэрэв хүүхдийн шинжилгээний хариуг харах бол:
– Хүүхдийн нэрийг сонгох;
– Шинжилгээ өгсөн эмнэлгээ сонгох;
– Хариугаа харах, татаж авах, и-мэйлээр хүлээн авах;
Анхаарах зүйлс:
Одоогоор нийслэлийн болон орон нутгийн эрүүл мэндийн төвүүд E-Mongolia системд холбогдсон хувийн хэвшлийн нийт 73 эмнэлэгт өгсөн шинжилгээгээ иргэд цахимаар харах боломжтой бөгөөд цаашид хамрах хүрээг тэлж бусад эмнэлэг, эрүүл мэндийн байгууллагуудыг ч төрийн үйлчилгээний нэгдсэн системд нэгтгэхээр төлөвлөн, шат дараатайгаар ажиллаж байна.
Нэмэлт мэдээлэл авахыг хүсвэл E-Mongolia-ийн албан ёсны Facebook хуудсаар зочлох эсвэл 1111-2 лавлах утсанд ажлын өдрүүдэд 08:30–17:30 цагийн хооронд холбогдон үнэ төлбөргүй зөвлөгөө авах боломжтой.