E-Mongolia Academy

“И-Монгол академи” УТҮГ, “Хилийн чанад дахь монголчуудын зөвлөл” НҮТББ уулзалт зохион байгууллаа

Хилийн чанадад оршин суугаа Монгол Улсын иргэдийн хэрэгцээ шаардлагад нийцсэн төрийн цахим үйлчилгээг нэмэгдүүлэх, хүртээмжтэй байдлыг сайжруулах зорилгоор “И-Монгол академи” УТҮГ шат дараатай уулзалтуудыг зохион байгуулсаар байна.
Энэ удаад Хилийн чанадад оршин суугаа монгол иргэдийнхээ эрх ашгийг хамгаалах, түүх соёл, зан заншлаа түгээн дэлгэрүүлэх чиглэлээр үйл ажиллагаа явуулдаг “Хилийн чанад дахь монголчуудын зөвлөл” НҮТББ, “И-Монгол академи” УТҮГ удирдлага, төлөөллүүд уулзалт зохион байгуулан, цаашид хамтран ажиллах талаар санал солилцлоо.
Уулзалтад “И-Монгол академи” УТҮГ-ын Гадаад харилцаа, хамтын ажиллагааны газрын (ГХХАГ) дарга Г.Өнөрцэцэг, Систем нэгтгэлийн газрын дарга С.Тулга, “Хилийн чанад дахь монголчуудын зөвлөл” НҮТББ Эдийн засгийн яамны хөрөнгө оруулалтын зөвлөх Н.Номун-Эрдэнэ, Нийгмийн бодлогын хорооны зөвлөх Д.Амараа, Монголын Энхтайван, Найрамдлын Байгууллагын Удирдах Зөвлөлийн Гишүүн Б.Эрхэмбаяр, хүний нөөцийн албаны бүртгэл мэдээлэл хариуцдаг Ч. Лхагвасүрэн, Хэвлэл мэдээллийн албаны мэргэжилтэн Б.Олзцэцэг, М. Нямбуу болон холбогдох мэргэжилтнүүд оролцов.
Хамтын ажиллагааны хүрээнд гадаад улсад ажиллаж, амьдарч байгаа Монгол Улсын иргэдэд төрийн үйлчилгээ авахад тулгамдаад байгаа асуудлыг шийдвэрлэхэд дэмжлэг үзүүлэх,  төрийн үйлчилгээний нэгдсэн систем E-Mongolia-г хилийн чанад дахь монголчуудад мэдээ мэдээллийг хүртээмжтэй хүргэх асуудлын хүрээнд талууд харилцан туршлага судлан сурталчлан таниулах чиглэлээр хамтран ажиллахаар боллоо.

Анхаарал хандуулсанд баярлалаа!

И-МОНГОЛ АКАДЕМИ

Одоогоор сул орон тоо байхгүй байна.