ЦХХХЯ-ны Төрийн нарийн бичгийн дарга Б.Батцэцэг тэргүүтэй төлөөлөгчид 08 дугаар сарын 24-ний өдөр “И-Монгол академи” УТҮГ-ын үйл ажиллагаатай танилцаж, газар, хэлтсийн дарга нартай уулзалт хийлээ.
Уулзалтын үеэр “И-Монгол академи” УТҮГ-ын захирал Б.Мягмарнаран байгууллагын үйл ажиллагаа, хариуцдаг системүүд болон E-Mongolia платформын талаар танилцуулж, төлөвлөсөн үйл ажиллагаа, төсөл хөтөлбөр, хийж хэрэгжүүлэх ажлуудтай холбоотой мэдээлэл өгөв.
ЦХХХЯ-ны Төрийн нарийн бичгийн дарга Б.Батцэцэг “И-Монгол академи” УТҮГ-ын хамт олонд төрийн үйлчилгээний нэгдсэн “E-Mongolia” системийн шинэчлэгдсэн 3.0 хувилбарыг амжилттай нэвтрүүлснийг дурдаад цаашдаа системийн хэвийн аюулгүй ажиллагаанд илүү анхаарч ажиллахыг хүссэн юм.
