Залуучуудад эрүүл, идэвхтэй амьдралын хэв маяг, эх оронч үзлийг төлөвшүүлэх, ажил мэргэжлийн чиг баримжаа олгох, зөвлөгөө өгөх замаар хөдөлмөрт бэлтгэж, хөдөлмөр эрхлэх хүсэл сонирхлыг бий болгож, ажилтай, орлоготой болгох зорилготой “ОРОЛЦОО” төслийн бүртгэл E-Mongolia системээр эхэлж байна. 

Төсөлд хамрагдах үндсэн шаардлага: 

1. 18-34 насны залуучууд (1988 оны 06 сарын 6-аас хойш, 2004 оны 06 сарын 6 -аас өмнө төрсөн байх) 
2. Сүүлийн 3 сар ажил, хөдөлмөр эрхлээгүй (2022 оны 2,3,4-р саруудад нийгмийн даатгал төлөгдөөгүй байх) 
3. Их, дээд сургууль болон мэргэжлийн боловсролын байгууллагад суралцдаггүй байх

Дээрх шалгуур хангасан залуучууд 2022 оны 05 дугаар сарын 16-ны өдрөөс 26-ны хооронд www.e-mongolia.mn сайтаар бүртгүүлнэ. 

Бүртгүүлэх заавар: 

1. www.e-mongolia.mn сайтад өөрийн нэр дээрх гар утасны дугаар болон интернэт банкны эрхээрээ нэвтэрнэ 
2. “Үйлчилгээнүүд” цэсний “Хөдөлмөр эрхлэлт” хэсэгт “Ажлын байранд орох” хэсэг дотор “Залуучуудыг хөдөлмөрт бэлтгэх Оролцоо” төсөл гэсэн цэсэн дээр дарснаар бүртгэлийн асуултууд гарч ирнэ. 

Мөн хайлтын хэсэгт “оролцоо”, “залуучуудын хөдөлмөр эрхлэлт”, “залуусын” зэрэг түлхүүр үгсээр хайхад бүртгүүлэх хэсэг шууд гарч ирнэ.