“И-Монгол академи” УТҮГ-ын удирдлагууд Монгол дахь “KOTRA” Ulaanbaatar, ерөнхий захирал Сеунгван Чэ-тэй 2024 оны 12 дугаар сарын 19-ний өдөр уулзалт зохион байгууллаа. Уулзалтад “KOTRA” Ulaanbaatar, Бизнес хөгжлийн хэлтсийн Г.Галбадрах, “И-Монгол академи” УТҮГ-ын Гадаад харилцаа, хамтын ажиллагааны газрын дарга Г.Өнөрцэцэг, Цахим засаглалын хэлтсийн дарга Х.Энхманлай оролцож, төрийн үйлчилгээний нэгдсэн системийг танилцуулж, цаашид “E-Mongolia academy”-ийн санал болгож буй бүтээгдэхүүн үйлчилгээнүүдийг “KOTRA”-гаар дамжуулан олон улсад сурталчлан таниулахад дэмжлэг үзүүлэх, гадаад хамтын ажиллагааг өргөжүүлэх, хамтран ажиллах, туршлага солилцох талаар санал, мэдээлэл солилцов.
“KOTRA” Ulaanbaatar, ерөнхий захирал Сеунгван Чэ: “KOTRA” байгууллага нь БНСУ-ын нэг сая гаруй төрийн болон хувийн байгууллагуудын бүртгэлийн сантай. Манай www.kotra.or.kr платформоор дамжуулан төсөл, хөтөлбөрүүдтэй танилцаж, хөрөнгө оруулалт болон хамтран ажиллах санал тавих боломж бүрдэнэ.” хэмээн уулзалтын үеэр онцоллоо.
Үүнтэй холбоотойгоор “И-Монгол академи” УТҮГ бүтээгдэхүүн үйлчилгээ төслүүдийн талаарх www.kotra.or.kr сайтаар байршуулан мэдээллээ дээрх байгууллагуудад түгээх боломжтой.
“КОTRA” нь БНСУ-ын Гадаад Худалдаа Хөрөнгө Оруулалтын Агентлаг бөгөөд үндсэн үйл ажиллагаа нь БНСУ болон Гадаад улс хоорондын худалдааг эрчимжүүлж хоёр улсын бизнесийн байгууллагууд хамтран ажиллах, бизнесийн түншлэл байгуулах зэрэгт дэмжлэг үзүүлдэг.
