ЦХИХХЯ-ны Цахим хөгжлийн бодлогын хэрэгжилтийг зохицуулах газар, “И-Монгол академи” УТҮГ хамтарсан уулзалт зохион байгууллаа
Цахим хөгжил, инновац, харилцаа холбооны яамны Цахим хөгжлийн бодлогын хэрэгжилтийг зохицуулах газрын дарга Б.Бат-Өлзий, тус газрын Цахим засаглалын хэлтсийн шинжээч, мэргэжилтнүүд “И-Монгол академи” УТҮГ-тай хамтарсан уулзалт зохион байгууллаа.
Уулзалтын хүрээнд “И-Монгол академи” УТҮГ-ын үйл ажиллагаа, хариуцан хөгжүүлж буй системүүдийн хөгжүүлэлт, хэрэгжилтийн явцтай танилцаж, тулгамдаж буй асуудлуудыг хэлэлцэж цаашид асуудлыг шийдвэрлэх, хөгжүүлэлт, шинэчлэлтийг үр дүнтэй хэрэгжүүлэх чиглэлээр хамтран ажиллаж, шаардлагатай арга хэмжээг авч хэрэгжүүлэхээ илэрхийллээ.
“И-Монгол академи” УТҮГ, Шүүхийн шийдвэр гүйцэтгэх ерөнхий газартай хамтран ажиллах санамж бичиг байгууллаа
“И-Монгол академи” УТҮГ болон Шүүхийн шийдвэр гүйцэтгэх ерөнхий газрын алба хаагчдын цахим ур чадварыг дээшлүүлэх, шаардлагатай систем хөгжүүлэлт хийх, үйл ажиллагааны мэдээ мэдээллийг хамтран түгээх ажлын хүрээнд мэдээлэл, харилцаа холбоо, технологи (МХХТ)-ийн сургалт, арга зүйн чиглэлээр хамтран ажиллах, харилцан туршлага солилцох, олон нийтэд чиглэсэн арга хэмжээг зохион байгуулах, талуудын хамтын ажиллагааг өргөжүүлэх зорилгоор хамтран ажиллах санамж бичгийг байгууллаа.
“И-Монгол академи” УТҮГ, БНЭУ-тай цахим хөгжил, мэдээллийн технологийн чиглэлээр хүний нөөцийг чадавхжуулахад хамтран ажиллана
“И-Монгол академи” УТҮГ нь Бүгд Найрамдах Энэтхэг Улсаас (БНЭУ) Монгол Улсад суугаа Элчин сайдын яамтай хамтарсан уулзалт зохион байгууллаа.
Энэхүү уулзалтаар олон улсын стандартын дагуу төрийн албан хаагчдын мэдлэг, ур чадварыг дээшлүүлэх, байгууллагын хүний нөөцийг чадавхжуулах, мэдээллийн технологи болон IT системийн чиглэлээр хамтын ажиллагааг өргөжүүлэх боломжуудын талаар санал солилцсон бөгөөд цаашид хоёр тал шилдэг туршлагыг түгээн дэлгэрүүлэх, тодорхой хугацаанд хамтарсан хөтөлбөр хэрэгжүүлж, сургалт, үйл ажиллагаанд мэргэжилтнүүдийг хамруулах боломжийг бүрдүүлэхээр тохиролцсон юм.
Шүүхийн шийдвэр гүйцэтгэх ерөнхий газрын харьяа анги байгууллагын албан хаагчдад сургалт зохион байгууллаа
Шүүхийн шийдвэр гүйцэтгэх ерөнхий газар (Шүүхийн шийдвэр гүйцэтгэх байгууллага)-тай хамтран 2025 онд 20 удаагийн 58 салбар, нэгжийн 1762 албан хаагчдад ᠌᠌сургалтыг зохион байгуулахаар төлөвлөөд байна.
Дээрх ажлын хүрээнд Шүүхийн шийдвэр гүйцэтгэх ерөнхий газрын харьяа анги байгууллагын офицер, ахлагч, ажилчдын цахим ур чадварыг дээшлүүлэх сургалтыг “Цахим хөгжлийн багц хууль”, “Мэдээллийн аюулгүй байдал” сэдвээр зохион байгуулж албан хаагчид идэвхтэй хамрагдаж байна.
Монгол улсын хэмжээнд E-Mongolia системийг иргэд идэвхтэй хэрэглэж байна
Орхон аймгийн насанд хүрсэн иргэдийн 94% нь E-Mongolia системд бүртгэлтэй байна. Үүнээс Баян-Өндөр сумын иргэд 2,413,549 удаа төрийн үйлчилгээг цахимаар авсан нь хамгийн өндөр үзүүлэлттэй байна.
Өвөрхангай аймгийн насанд хүрсэн иргэдийн 79% нь E-Mongolia системийг ашиглаж байгаа бөгөөд Арвайхээр сумын иргэд хамгийн олон буюу 688,990 үйлчилгээ авсан байна.
Өмнөговь аймгийн насанд хүрсэн иргэдийн 87% нь E-Mongolia системийг ашиглаж байна. Даланзадгад сум хамгийн олон үйлчилгээ авсан буюу 734,709 удаа үйчилгээ авчээ.
Сүхбаатар аймгийн насанд хүрсэн иргэдийн 68% нь E-Mongolia системд бүртгэлтэй байна. Баруун-Урт сум 355,222 удаа үйлчилгээ авснаар хамгийн идэвхтэй хэрэглэгчтэй сум болжээ.
Говь-Алтай аймгийн насанд хүрсэн иргэдийн 83% нь E-Mongolia системд бүртгэлтэй байна. Есөнбулаг сум 372,825 удаа үйлчилгээ авснаар хамгийн идэвхтэй хэрэглэгчтэй сум болсон байна.
