1.Оюутан цэргийн бүртгэл 2024 оны 3 дугаар сарын 1-ний өдрөөс эхэлнэ

Оюутан цэргийн анхан шатны бүртгэлийн хүсэлтийг 03 дугаар сарын 01-ны өдрийн 09:00 цагаас 03 дугаар сарын 10-ны өдрийн 17:00 цагийн хооронд E-Mongolia системээр хүлээн авна. “Оюутан-цэрэг”-т цэргийн мэргэжил  олгох журам” шинэчлэгдсэний  дагуу хүсэлт илгээж буй оюутнууд дараах шаардлагуудыг хангасан байх ёстой. Үүнд:

• Монгол Улсын хэмжээнд үйл ажиллагаа явуулж буй магадлан итгэмжлэгдсэн их сургууль, коллежийн 1, 2, 3-р дамжааны оюутан байх;
• Сурлагын голч дүн 2,8-аас дээш байх;
• 2025 оны 06 дугаар сарын 15-ны өдрөөс өмнө 18 нас хүрсэн байх;

Эрүүл мэндийн даатгал төлсөн байх зэрэг багтана.

2.”Эрдэнэс Тавантолгой” ХХК-ийн 1072 ноогдол ашгийн санал хураалт дууслаа

Эрдэнэс Тавантолгой ХК-ны ноогдол ашгаа бэлэн мөнгөөр авах уу, хуримтлуулах уу, эсвэл нийгмийн сайн сайхны төлөө төсөл хөтөлбөрт зарцуулах уу гэсэн сонголттойгоор санал хураалт Төрийн үйлчилгээний нэгдсэн E-Mongolia системээр явагдаж дууслаа.Тус санал хураалтад 505,318 иргэн саналаа өгчээ.Үүнд:  Ноогдол ашгаа банкны дансанд шууд шилжүүлэн авах хүсэлт гаргасан иргэдийн тоо: 95.35% буюу 481,809 иргэн.Хуримтлалын сан буюу ирээдүйд хэрэглэх зорилгоор хуримтлуулж хадгалах эсвэл Баялгийн сангийн агуулгаар хадгалах сонголт хийсэн иргэдийн тоо: 4.40% буюу 22,242 иргэн. Хандив буюу нийгмийн сайн үйлс болон төсөл, санд хандивлах хүсэлт гаргасан иргэдийн тоо: 0.25% буюу 1,267 иргэн тус тус саналаа илгээсэн байна.

3.Mонгол улсын 21 аймгууд E-Mongolia системийг идэвхтэй ашиглаж байна!

• Архангай аймаг: Насанд хүрсэн иргэдийн 77.4% нь E-Mongolia системийг ашиглаж байна. Эрдэнэбулган сум хамгийн олон, 378,214 удаа цахимаар үйлчилгээ авсан байна.
• Булган аймаг: Насанд хүрсэн иргэдийн 78.4% нь E-Mongolia системийг ашиглаж байна. Булган сум нь 260,605 удаа үйлчилгээ авч, тэргүүлж байна.
• Баянхонгор аймаг: Насанд хүрсэн иргэдийн 79% нь E-Mongolia системийг ашиглаж байна. Баянхонгор сум 642,502 удаа цахимаар үйлчилгээ авчээ.