Энэ оны эхний улирлын байдлаар иргэн, ААН-үүд 71 байгууллагын 830 үйлчилгээг төрийн үйлчилгээний нэгдсэн систем E-Mongolia-гаас авах боломжтой боллоо. Иргэд Нийгмийн даатгалын шимтгэл төлөлтийн тодорхойлолтыг хамгийн олон удаа авсан байна.
E-Mongolia системд Монгол Улсын насанд хүрсэн иргэдийн 73% буюу 1.5 сая хэрэглэгч бүртгэлтэй байгаа бол 1.3 сая иргэн гар утасны аппликэйшнийг тогтмол хэрэглэж байна.
![](https://ema.gov.mn/wp-content/uploads/2023/03/Сайтад-1024x598.png)
Эдгээр хэрэглэгчид 23.7 сая амжилттай үйлчилгээг авснаар нийт 202 тэрбум төгрөгийг хэмнэжээ. Тухайлбал,
- Төрийн байгууллага руу ирж, буцах зардал 73.7 тэрбум
- Үйлчилгээ авахад шаардагдах баримт бичиг бүрдүүлэх зардал 1 тэрбум төгрөг
- Үйлчилгээ авахдаа зарцуулж буй хугацаанаас үүдэлтэй зардал 127.3 тэрбум төгрөгийг тус тус хэмнэсэн байна.
![](https://ema.gov.mn/wp-content/uploads/2023/03/сайтад-12-1024x573.png)
Мөн Нийтийн мэдээллийн ил тод байдлын тухай хуулийн дагуу мэдээлэл хариуцагч мэдээллийг гуравдагч этгээдэд өгсөн, дамжуулсан тохиолдолд мэдээллийн эзэнд мэдэгдэл хүргэх ёстой. Үүний дагуу push notifiction, үндэсний цахим шуудан, хувийн и-мэйл хаягаар нь дамжуулан нийт 18,846,662 удаа мэдэгдэл хүргэсэн байна.